Muxuu yahay hadalka Israaiil ku saabsan ee uu safiirka Mareykanka sheegay kaasoo ka careysiiyay Carabta iyo Muslimiinta ?

bbc.com · Feb 22, 2026 · Collected from GDELT

Full Article

Xigashada Sawirka, ReutersQoraalka sawirka, Mike Huckabee, sawir laga qaaday September, ayaa in badan taageere u ahaa Israa'iilAuthor, Maia Davies4 Saacadood ka horWaqtiga akhriska: 5 daqiiqoDowladaha Carabta iyo kuwa Muslimiinta ayaa cambaareeyay hadal ka soo yeeray Safiirka Mareykanka u fadhiya Israa'iil Mike Huckabee, kaas oo soo jeediyay in Israa'iil ay xaq u yeelan karto in ay la wareegto dhul ballaaran oo Bariga Dhexe ah sababo la xiriira Kitaabka Baybalka.Wareysi uu siiyay muxaafid Mareykan ah oo lagu magacaabo Tucker Carlson, Huckabee ayaa la weydiiyay haddii Israa'iil ay xaq u leedahay aag uu martigeliyaha sheegay in uu yahay, sida uu Baybalku leeyahay, "asal ahaan Bariga Dhexe oo dhan".Safiirka ayaa yiri "waa fiicnaan lahayd haddii ay wada qaataan". Laakiin waxa uu intaa ku daray in Israa'iil aanay doonayn in ay sidaas samayso, balse ay "waydiisanayso in ay ugu yaraan qaadato dhulka ay hadda haystaan" oo ay dadkeeda ilaaliso.War qoraal ah oo ay si wadajir ah u soo saareen in ka badan toban dowladood oo ay ku jiraan Urdun, Masar iyo Imaaraadka Carabta ayaa ku tilmaamay faallooyinka "khatar iyo kicin", khatarna ku ah dadaalka lagu soo afjarayo dagaalka Qasa.Wareysiga oo la baahiyay Jimcihii, Carlson ayaa cadaadis ku saaray danjiraha fasiraaddiisa ku aaddan aayad Kitaabka Baybalka ka mid ah, taas oo daadihiyuhu ku dooday inay muujinayso in Israa'iil ay xaq u leedahay dhulka u dhexeeya Webiga Niil ee Masar iyo Webiga Furaat ee Suuriya iyo Ciraaq.Huckabee ayaa sheegay in "ay noqon lahayd dhul aad u weyn" balse wuxuu ku adkeystay "uma maleynayo in taasi ay tahay waxa aan maanta halkan kaga hadlayno".Isaga oo hadalkiisa sii watay ayuu yiri: "Ma weydiisanayaan inay dib u noqdaan oo ay wada qaataan intaas oo dhan, laakiin waxay weydiisanayaan inay ugu yaraan qaataan dhulka ay hadda haystaan, ee ay hadda ku nool yihiin, ee ay hadda si sharci ah u leeyihiin, kaas oo u ah hoy ammaan ah."Wuxuu sidoo kale sheegay in hadalkiisii hore ee ahaa in Israa'iil ay "dhammaan" qaadan karto uu ahaa mid xoogaa "buunbuunin" ah.Skip Ugu akhris badan and continue readingUgu akhris badanEnd of Ugu akhris badanIska gudbi, siina wada aqrintaBBC Somali WhatsAppWarbixinada qotada dheer iyo wararka BBC Somali oo toos kuugu imanaaya WhatsApp.Halkaan kaga soo biirDhamaadka xayeysiintaKa dib markii wareysiga la baahiyay, wasaaradda arrimaha dibadda ee Imaaraadka Carabta ayaa soo saartay bayaan ay ku hadlayso magaca dawlado kala duwan iyo dhinacyo kale, iyadoo muujisay "canbaareyn xooggan iyo walaac qoto dheer" oo ku aaddan faallooyinkaas.Bayaanka ayaa lagu sheegay in Huckabee uu "tilmaamay in wax la aqbali karo ay tahay in Israa'iil ay maamusho dhulal ay leeyihiin dawladaha Carabta, oo ay ku jirto Daanta Galbeed ee la haysto".Waxaa lagu yiri hadalladaas waxay jabinayaan sharciga caalamiga ah, waxayna si toos ah uga hor imaanayaan qorshaha Madaxweynaha Mareykanka Donald Trump ee lagu soo afjarayo dagaalka Qasa, oo ay ku jiraan dadaallada lagu abuurayo "aragti siyaasadeed oo loogu talagalay xal dhammaystiran oo xaqiijinaya in dadka Falastiiniyiintu helaan dowlad madax-bannaan oo iyagu leeyihiin".Bayaanka ayaa sii raaciyay: "Wasaaraduhu waxay dib u xaqiijiyeen in Israa'iil aysan wax madax-bannaani ah ku lahayn Dhulka Falastiiniyiinta ee la haysto ama dhul kale oo Carbeed oo la haysto.""Waxay ku celceliyeen inay si adag u diiddan yihiin isku day kasta oo lagu doonayo in lagu goosto Daanta Galbeed ama looga soco Marinka Qasa, waxayna si xooggan uga soo horjeesteen ballaarinta dhaqdhaqaaqyada dejinta ee Dhulka Falastiiniyiinta ee la haysto, iyagoo gabi ahaanba diiday hanjabaad kasta oo ka dhan ah madax-bannaanida dowladaha Carabta."Bayaanka ayaa lagu sheegay inay saxiixeen dalalka Imaaraadka, Masar, Urdun, Indooniisiya, Bakistaan, Turkiga, Sacuudi Carabiya, Qatar, Kuwayt, Cumaan, Baxrayn, Lubnaan, Suuriya iyo Dawladda Falastiin, iyo sidoo kale Ururka Iskaashiga Islaamka, Jaamacadda Carabta iyo Golaha Iskaashiga Khaliijka.Huckabee has frequently expressed his support for Israeli annexation of the occupied West Bank, contradicting decades of US policy.Israel has built about 160 settlements housing 700,000 Jews since it occupied the West Bank and East Jerusalem - land Palestinians want, along with Gaza, for a hoped-for future state - during the 1967 Middle East war. An estimated 3.3 million Palestinians live alongside them.The settlements are illegal under international law - a position supported by an advisory opinion of the International Court of Justice in 2024.Israel's Prime Minister Benjamin Netanyahu said at the time that the court had made a "decision of lies" and insisted that "the Jewish people are not occupiers in their own land".Successive Israeli governments have allowed settlements to grow. However, expansion has risen sharply since Netanyahu returned to power in late 2022 at the head of a right-wing, pro-settler coalition, as well as the start of the Gaza war, triggered by Hamas's deadly 7 October 2023 attack on Israel.More than 72,000 Palestinians have been killed in Israel's subsequent military offensive, according to Gaza's Hamas-run health ministry. Huckabee waxa uu marar badan muujiyay taageeradiisa ku aaddan in Israa'iil ay goosato dhulka la haysto ee Daanta Galbeed, taas oo ka horimanaysa siyaasaddii Maraykanka ee tobnaankii sano ee u dambeeyay.Israa'iil waxay dhistay ilaa 160 deegaan oo ay ku nool yihiin 700,000 oo Yuhuud ah tan iyo markii ay qabsatay Daanta Galbeed iyo Bariga Quddus intii uu socday dagaalkii Bariga Dhexe ee 1967-kii—waa dhul ay Falastiiniyiintu rabaan, oo ay weheliso Marinka Qasa, si ay ugu dhistaan dawlad mustaqbalka ay rajaynayaan. Waxaa la qiyaasaa in 3.3 milyan oo Falastiiniyiin ah ay garab deggen yihiin dadkaas.Deegaannadaas waa sharci-darro marka loo eego xeerarka caalamiga ah—waa mowqif ay taageertay ra'yigii latalinta ee Maxkamadda Caalamiga ah ee Caddaaladda (ICJ) ee sannadkii 2024.Ra'iisul Wasaaraha Israa'iil Benjamin Netanyahu ayaa xilligaas sheegay in maxkamaddu ay gaartay "go'aan been ah", isagoo ku adkaystay in "dadka Yuhuudda ah aysan ahayn kuwa haysta dhulkooda".Xukuumadihii is-xigay ee Israa'iil waxay oggolaadeen in deegaannadu ay kobcaan. Si kastaba ha ahaatee, ballaarintu aad ayay u korortay tan iyo markii uu Netanyahu ku soo laabtay xukunka dabayaaqadii 2022, isagoo hoggaaminaya isbahaysi garabka midig ah oo taageera dadka deggan deegaannadaas, iyo sidoo kale bilowgii dagaalka Qasa, kaas oo ka dhashay weerarkii dhimashada badnaa ee Xamaas ay ku qaadday Israa'iil 7-dii Oktoobar 2023.In ka badan 72,000 oo Falastiiniyiin ah ayaa lagu dilay weerarka milateri ee Israa'iil ay markaas ka dib qaadday, sida ay sheegtay wasaaradda caafimaadka ee Qasa ee ay maamusho Xamaas.