azatutyun.am
Ընդդիմադիրների պնդմամբ ՝ հունիսի 8 - ից հետո Նիկոլ Փաշինյանը վարչապետ չի լինելու . « Փաշինյանը վախենում է , որ պարտվելու է »
azatutyun.am · Feb 14, 2026 · Collected from GDELT
Summary
Published: 20260214T183000Z
Full Article
Նախկիններին, այդ թվում՝ նախկին նախագահներին քաղաքականությունից անվերադարձ դուրս շպրտելու մասին վարչապետ Փաշինյանի հայտարարությանը ընդդիմադիր ուժերը կոշտ են արձագանքում՝ պնդելով՝ հենց Փաշինյանն է, որ հունիսի 8 -ից հետո ալևս վարչապետ չի լինելու: «Էս ընտրությունների արդյունքում բոլոր նախկին իշխանությունները և բոլոր օլիգարխները վերջնականապես և անվերադարձ դուրս են շպրտվելու քաղաքական դաշտից, 2026-ից հետո դուք այլևս չեք տեսնելու քաղաքականությամբ զբաղվող օլիգարխ, նախկին նախագահ»,- ՔՊ գրասենյակում հայտարարել է վարչապետը։Նախկին նախագահների թիմերի արձագանքըԽորհրդարանական ընտրություններին մասնակցության հայտ ներկայացրած ընդդիմադիր «Հայաստան» դաշինքի առաջնորդ, 2 -րդ նախագահ Ռոբերտ Քոչարյանի գրասենյակի ղեկավար Բագրատ Միկոյանը կարճ է արձագանում Փաշինյանին. «Հունիսի 8-ից հետո հաստատ չի լինելու ղեկավար, ում պատճառով ազգովի ամաչելու ենք»:3 -րդ նախագահ Սերժ Սարգսյանի առաջնորդած «Պատիվ ունեմ» խորհրդարանական խմբակցության ղեկավար Հայկ Մամիջանյանն էլ հայտարարում է. «Պաշտոնաթող նախագահների քաղաքականությունից հեռանալն ուզում են երու գործիչներ՝ Նիկոլ Փաշինյանը և Իլհամ Ալիևը»: Մամիջանյանը հիշեցնում է Փաշինյանին՝ պաշտոնաթող նախագահները պատմության մեջ մնալու են որպես հաղթանակած նախագահներ, իսկ Նիկոլ Փաշինյանը մի վարչապետ, որը Ադրբեջանին է հանձնել հայ ժողովրդի և Հայաստանի նորագույն շրջանի ամենակարևոր և նվիրական հաղթանակը:Հանրապետական Մամիջայանը նաև հիշեցնում է՝ «3-րդ նախագահ Սերժ Սարգսյանը Հայաստանի խոշորագույն և առանցքային ընդդիմադիր ուժերից մեկի՝ «Հանրապետական» կուսակցության նախագահն է»: Ի դեպ, Հանրապետականը դեռ չի որոշել՝ առհասարակ մասնակցելու է հունիսի 7-ին կայանալիք խորհրդարանական ընտրություններին, թե՝ ոչ:«Փաշինյանն արդեն գիտի, որ Սամվել Կարապետյանը լինելու է հաջորդ վարչապետը». Նարեկ ԿարապետյանՓաշինյանը երեկ թիրախավորեց ոչ միայն նախկին նախագահներին և նրանց առաջնորդած ուժերին, այլև քաղաքականության մեջ նոր-նոր փորձեր անող և այժմ տնային կալանքում գտնվող միլիարդատեր գործարար Սամվել Կարապետյանին:«Այդ ամեն ինչը Հայաստանի Հանրապետությունը ապալեգիտիմացնելու վերջին փորձն է, Հայաստանի Հանրապետությունը որպես չպետություն հայտարարագրելու փորձ է», - ասել է վարչապետը:Նիկոլ Փաշինյանի համոզմամբ՝ Կարապետյանը վարչապետի պաշտոնին հավակնելով փորձելու է ապալեգիտիմացնել Հայաստանը: Թե ինչպես՝ չմանրամասնեց:Սամվել Կարապետյանի առաջնորդած «Ուժեղ Հայաստան» կուսակցության համոզմամբ, մինչդեռ, Փաշինյանի այս հայտարարությունները ցույց են տալիս մի բան՝ նրա վախերը: Գործարարի եղբորորդին՝ կուսակցության քաղխորհրդի անդամ Նարեկ Կարապետյանը պնդել է՝ Սամվել Կարապետյանը դառնալու է Հայաստանի վարչապետ: «Այսօր ես տեսա թույլ վարչապետի, ով վախենում է, որ պարտվելու է։ Փաշինյանն արդեն գիտի, որ Սամվել Կարապետյանը լինելու է Հայաստանի հաջորդ վարչապետը և փորձում է խոչընդոտելու ձևեր գտնել։ Բայց դա նրան չի օգնի, որովհետև Սամվել Կարապետյանը դառնալու է վարչապետ, և Հայաստանը լինելու է ուժեղ», - նշել է Նարեկ Կարապետյանը:Իշխանությունը մինչդեռ ընդգծում է՝ միլիարդատեր գործարարը ունի 3 երկրի քաղաքացիությունը, Հայաստանից բացի Ռուսաստանի և Կիպրոսի, հետևաբար չի կարող լինել վարչապետի թեկնածու:Սահմանադրության համաձայն՝ թե՛ վարչապետի և թե՛ պատգամավորի թեկնածուն պետք է վերջին չորս տարում միայն Հայաստանի քաղաքացի լինի և վերջին չորս տարում մշտապես Հայաստանում բնակված լինի: Կարապետյանները, սակայն, գտել են սահմանադրական այս արգելքը հաղթահարելու իրենց ձևը և նպատակ ունեն իշխանությունը վերցնելուց հետո, խորհրդարանում փոխել վարչապետին վերաբերող սահմանադրական դրույթը:Իշխանականները ծաղրում են «Ուժեղ Հայաստանի» այս մտադրությունը՝ համեմատություններ անցկացնելով օտարերկրյա տարբեր գործիչների և Սամվել Կարապետյանի միջև:«Սամվել Կարապետյանը չի կարող լինել վարչապետի թեկնածու Հայաստանում, Ֆիլիպ Կիրկորովը չի կարող լինել վարչապետի թեկնածու Հայաստանում, պարոն Մադուրոն չի կարող լինել վարչապետի թեկնածու Հայաստանում», - ասաց իշխանական Վահագն Ալեքսանյանը:Խորհրդարանի ղեկավարը այսօր նույնպես պնդել է՝ Սամվել Կարապետյանը չի կարող լինել վարչապետ թեկնածու, քանի որ մի քանի երկրի քաղաքացի է, իսկ քաղաքականության մեջ մտել է միայն այն պատճառով, որ իր դեմ քրեական գործ կա: «Սամվել Կարապետյանը կարող էր ասել Ռուսաստանում, որ այն փոքրիկ խմբակը, որը ինչ-որ գործողության հետ կապված, ասեր՝ «մենք մեր ձևով կմիջամտենք», մ տառը կմնար Սամվել Կարապետյանից, կարող է դա էլ չմնար», - նշեց Ալեն Սիմոնյանը:Ո՞վ ջախջախիչ պարտություն կկրի ընտրություններումԽորհրդարանական ընտրություններից 4 ամիս առաջ վարչապետ Նիկոլ Փաշինյանը պնդում է, թե ընտրություններին մասնակցելու հայտ ներկայացրած նախկին ուժերը պարտվելու են, այն էլ ջախջախիչ կերպով:«Թույլ տվեք վստահություն հայտնել, որ իմ նշած բոլոր ուժերը իրար հետ առաջիկա խորհրդարանական ընտրություններում ստանալու են ջախջախիչ փոքրամասնություն», - ասել է Փաշինյանը:Որտեղի՞ց իշխող ուժի ղեկավարին այս վստահությունը:Ազգային ժողովի նախագահ Ալեն Սիմոնյանն այսօր հարցին կարճ է արձագանքել՝ «տիրապետում ենք իրավիճակին». «Իրենք էլ են վստահ, որ ջախջախիչ պարտություն են տանելու»:Ընդդիմադիր «Հայաստան» խմբակցության պատգամավոր Գեղամ Մանուկյանը մինչդեռ իշխանության այս պնդումները դասում է հերթական «անհիմն և անտրամաբանական» հայտարարությունների շարքին, պնդելով, որ նույն հաջողությամբ Փաշինյանը կարող է ասել, որ կարողանում է քայլել ջրի վրայով: «Մարդը, որ որոշում է կայացնում եկեղեցու հետ կապված, ամեն ինչի հետ կապված, կարծում է, որ ամեն ինչում էլ կարող է որոշում կայացնել, իր համար օրենք, Սահմանադրություն որևէ կապ չունեն: Ճտերն աշնանն են հաշվում, կհասնենք ընտրությանը օրը, կտեսնենք», - նշեց Մանուկյանը:Ընտրություններում ջախջախիչ պարտության մասին Փաշինյանի հայտարարությանն ի պատասխան 3 -րդ նախագահ Սերժ Սարգսյանի Հանրապետականից խորհուրդ են տալիս վարչապետին մտածել, ոչ թե քաղաքական պարտությունների, այլ իր առաջնորդությամբ Հայաստանի կրած պարտության մասին. «Թող իր դարդերը լացի»:
Share this story